kikusan

营业中

休息中

本身准备同好朋友庆生，谂住喺尖沙咀食，点知佢要OT ，索性去中环接佢收工。去揾嘢食时已经差唔多八点，对我哋呢啲平民中文环咁高贵嘅地方都唔知食乜好。谂到Landmark 呢间之前我哋都嚟过一次，谂住食佢个海胆寿司。 坐低之后，立即叫嘢食，打开Menu，原来已经冇晒寿司类嘅食物，其实有啲失望。咁只好叫左好钟意嘅鸡肉小笼包 😍出面多数都系猪肉，好特别。鸡肉小笼包同猪肉嘅冇分别都系一样多汁，鸡肉馅有啲姜味，热辣辣，点埋醋食😍冷 盘叫左口水鸡，记得上次黎食系有啲辣，所以今次好醒目咁样叫佢分开咗汁。 肚饿得滞食咗少少先记得影相😂不过呢个行口水鸡有D贵，以为系鸡件，点知嚟到系鸡丝，份量可以多啲🤪辣得好刺激。红油素炒手，入面系菜，好清，但又唔会冇味，呢个汁望落去以为同口水鸡𠮶个一样，但系呢个好味过口水鸡个汁，入面应该有啲花生酱。 最后叫多一个天妇罗杂锦饭，入面有2只天妇罗虾同一个炸杂菜饼，见到D汁咁深色以为会好咸，但其实系小小甜，如果有埋天妇罗汁就非常好！ 每人再叫多一杯同mojito 差唔多嘅饮品，好多薄荷，好fresh ，连我唔系几饮酒都觉得冇乜酒味😂几钟意佢D野唔系好大碟，可以试多几款。