麗姐廚房

营业中

休息中

又一餐 farewell 饭局，今次拣咗梁祖尧成日推介嘅丽姐厨房。呢度系少有嘅楼上中式素菜馆，地方比想像中大，干净企理。我哋叫咗五个𩠌，最正系烧汁脆鳝，入面系菇类，外面蘸粉浆脆炸，再沾满黑醋同糖浆味浓嘅酱汁，最后洒上芝麻，非常惹味。黑松露牛油果炒饭好大碟，炒得几香，黑松露味道几浓，不过牛油果非常少，几乎食唔出味道。其他配料仲有蛋丝，甘笋粒，松子仁等，整体颇丰富。另一热门之选香煎莲藕饼面头炸得好脆，入面就略嫌有少少“散修修”，唔够咬口。至于三杯鸡煲同干煸四季豆，前者有大量我最钟意嘅翠玉瓜，偏甜味，唔错，后者则略嫌咸咗啲啲，要送饭食。