大山日本料理

营业中

休息中

今日我同阿女都放假，当然要行下街食下嘢啦🥰。行完旺角Aeon，佢话晚饭想食日式嘢🇯🇵，于是系openrice揾到最近嘅一间日式食肆“大山日本料理”😊。店舖装修得好有日本🇯🇵风格，虽然座位安排得有啲密，但系唔会觉得好逼夹🤗，仲有啲对窗🪟嘅梳化位，不过梳化位就唔多，想坐就可能要早啲去😆。餐牌📔食物款式劲多🫢，有刺身、寿司、卷物、炸物、串烧及锅物等，真系总有一款啱你😚。咖哩吉列猪扒饭 $78吉列猪扒🐖外层炸粉唔厚而且炸得非常香脆，内里依然软腍有肉汁😍，配上甜中带微辣嘅日式咖哩汁🍛，真系绝配，送饭一流😋。日本A5和牛手打乌冬 $128A5和牛🐂肉软嫩带油香，乌冬滑溜烟韧，配上清清地嘅牛味汤底一齐食，perfect 💯。牛肉寿喜锅 $58寿喜烧锅配料有牛肉🥩、娃娃菜、豆腐、金菇、芋丝、红萝卜🥕和一只生鸡蛋🥚。寿喜烧汤汁甜甜地，所有食材都吸收咗汤嘅味道，非常好食😋。总括而言，店舖位置非常就脚，食物上枱速度快👍，地方环境干净企理，食物价钱合理，质素又好，难怪我走嘅时候差不多爆满。