韓珍 (帝國中心) (已結業)

今晚想食韩国菜，揾到呢间由韩国人主理既韩国餐厅， 去食正宗既韩国菜。我地冇拣到韩烧，叫左酦酵鲍鱼人参鸡汤 、铁板小章鱼五花肉同鲜牛肠牛肚粉丝辣汤。一黎有好多款韩式前菜，分别有泡菜、 翠肉瓜、辣薯仔、生菜沙律、芽菜、鱼糕片，全部都不错吃。酦酵鲍鱼人参鸡汤好好饮，唔油腻。鸡入面有糯米，另外都有一碗白饭，配住鸡汤食一流。而且鸡肉好嫩滑，连啲鸡骨都劲软腍。鲍鱼爽口弹牙。铁板小章鱼五花肉会有专人系你面前帮你炒。小章鱼好好食，好爽口又入味，口感唔硬，五花肉份量好多，十分邪恶。鲜牛肠牛肚粉丝辣汤劲大煲，牛肠牛肚食极都仲有甘，两者都够腍，唔会粉同冇腥味。粉丝索晒啲汁好好食。呢间食得出系用新鲜既肉，而且侍应服务态度又好，想食韩国野可以黎呢到。