Morton's of Chicago

老公book咗呢一间话趁住周年纪念日要试吓嘅扒房。不愧系五星级扒房，服务特别贴心。知道系我哋嘅周年纪念，特登为我哋准备咗唔少嘅surprise。一入到去，枱上面已经放咗两张写咗我哋个名嘅餐牌，同埋一张欢迎我哋嘅水彩画。之后又同我哋影相，即刻print张相出嚟放喺一张签满晒所有Staff名嘅卡上面俾我哋作留念。🥰前菜嘅面包系暖嘅，配埋佢哋自制嘅Butter cream，非常好味。同埋如果唔够可以再添。Morton salad系有罗马生菜加上一小片腌制鱼块作调味 。龙虾汤好浓好鲜味Main Dish方面，我哋点咗Ribeye steak with New York Cut, 同埋羊架 。个肉眼扒非常之厚，系传统美国式嘅牛扒，脂肪比例唔高，钟意有赵口，肉质感比较强嘅人应该会钟意 。我就比较钟意个羊架，羊味十足，肉质嫩滑，但脂肪比较多，所以肉唔多。最后佢哋送上疏乎厘，上完枱吹完蜡烛之后，侍应就帮我哋分开两碟。本身都唔错，有少少云呢拿酱汁，可惜佢哋都加咗糖浆，而呢个糖浆实在太甜啦，如果佢哋可以整得冇咁甜，或者甚至唔落会更好。