米孜然 (已結業)

系ins见人分享炮台山美食，钟意食羊既我决定试一试佢。衬今晚OT去左米孜然买外卖。米孜然的舖位比较细，经过好几次都冇发现到呢度有间餐厅。舖头入面有两个位可以比人堂食。我叫左羊燥饭，$38包埋纸包饮品好抵。同事就叫左鸡扒羊燥饭加粟米。我个羊燥饭好快就搞掂，等粟米烤好就可以。等的时候一直见佢烧紧唔同既串烧，仲有冬菇同肉，睇落都好正。最后先知原来佢一直烧紧果串系鸡扒，即刻后悔刚刚冇叫鸡扒。唔好睇个羊燥饭好似好细咁，其实好饱。羊燥既分量好多，完全唔怕食晒羊燥仲有饭剩。羊燥好好食，羊味好出，再加埋只蛋简直系冇得输。加左孜然有少少辣几好食，但应该系我呢d平时唔食辣的先会食到果阵微微的辣味。见到佢有个午餐优惠，下次中午想黎试埋个全羊宴，$60有羊燥饭同羊架，肯定好正。