北豆 Bar & Grill (已結業)

睇完openrice送嘅叮当优先场！再到附近揾食！呢间话系川菜加日本串烧！原来系下午做川菜面食，晚上做日本串烧酒吧！日夜唔同食品！去到系酒吧格局，一边大酒吧，一边座位！灯光昏暗！入面无人，正当我以为无开时（因为灯光昏暗到好似无开灯）有个姨姨在另一边行过来开门比我们入去！坐低比低点餐纸我！好似车仔面咁拣𩠌！我同肥髀一人一碗面，但啲配菜就唔系好齐，大肠、花枝丸、猪腩仔都无！店员话因为星期六唔多客！拣咗配料姨姨就入厨房煮食物（一脚踢）北斗招牌羊肉秘捞酱捞面：配料金菇同炸鱼肉春卷（$50）招牌羊肉连皮，肉好肥美，一啲都唔膻，又唔会嚡！金菇正常，炸鱼肉春卷皮比较黑，幸好皮脆肉弹牙！好味！面似幼啲嘅油面！加上少辣嘅秘捞酱！好香浓惹味！见捞酱有好多豆豉夹杂其中！好味！人气牛肉汤面（$38）牛肉比较瘦，所以嚡啲！面弹牙，浸得耐面都唔会发！清汤底好浓，重香料味，又唔会好辣！好味！冻柠茶（面加$3）茶味几浓，味道正常！姨姨唔系咁专业嘅店员，成日走咗去，离开舖头！有客人来佢先出现一阵！然后又离开！佢好似妈妈咁倾偈！叫我们加𩠌！厕所好干净！