貴州遵義黔營羊肉粉 (利群大廈)

营业中

休息中

最近天气越来越热，冇乜胃口。放工后想喺旺角揾间少人啲嘅餐厅食饭都唔容易。咁啱我地都钟意食羊，而且男友之前都有帮衬开，于是就带咗我去呢度食羊肉粉喇～一入到嚟就闻到好大朕羊肉同花椒嘅香味，好羊嘅人应该会觉得好好闻。我地点咗两碗羊肉粉，小食就点咗窝笋同埋凉拌青瓜。这里都有好多款式嘅串烧和羊杂，以供选择，系羊肉爱好者必到嘅餐厅。喺炎热嘅日子里，食下辣嘢排下汗，身体都会舒畅啲。粉的质地就好似我地平时食开嘅米线，入口滑捋捋，好容易吞。啲汤好清，唔油，啱晒怕肥一族。窝笋同青瓜系凉盘，天时暑热食就最啱喇。