影片
更多
2017-01-16
847 浏览
天气冻冻地最啱就系打边炉～而羊腩煲shabu shabu就系最佳嘅选择喇！呢啲时候，想食羊腩煲绝对系一件好容易嘅事！因为随时落到楼下一间中餐厅都可以食到！但！问题系～好食嘅羊腩煲就坚系可遇不可求喇！位于佐敦白加士街嘅军记海鲜菜馆，话明系菜馆，当然系以小菜为主啦！目标非常清晰下点了一个大羊腩煲，再加多一碟小炒椒盐田鸡～羊腩煲有大同细份量供应，但大羊腩煲并唔算好大，唔使担心食唔晒！材料塞满整个煲，有羊肉啦、白萝卜、枝竹、马蹄、笋片，仲有铺面的大青葱～随住愈煲愈滚嘅羊腩汤底，飘出阵阵浓郁嘅香气，直扑鼻蕾～未开始食已经感觉非常良好！羊腩切得唔会太大件，一件分两啖食就啱啱好！肉质好松软，好腍，一啲都唔觉得韧同难嚼，羊肉吸收左汤底浓郁嘅精华，超正！仲食得出属于羊专属嘅骚味！唔使担心会太骚，只系好轻微～有羊骚先至叫食紧羊肉呀嘛！店家事前功夫真系处理得很好，先有咁好嘅水准！而且羊肉应该系属于新鲜嘅，因为如果系雪藏嘅，就唔系呢种质感同味道喇！当然系有比较之下先咁讲啦～除左主角羊肉好好味之外，配菜都一样唔马虎！白萝卜好入味，好腍，仲好甜！马蹄好爽，笋都系一样！支竹更加唔使讲，索晒啲汤汁，正啦！！随羊腩煲仲
而羊腩煲shabu shabu就系最佳嘅选择喇！
呢啲时候，想食羊腩煲绝对系一件好容易嘅事！因为随时落到楼下一间中餐厅都可以食到！
但！问题系～好食嘅羊腩煲就坚系可遇不可求喇！
位于佐敦白加士街嘅军记海鲜菜馆，话明系菜馆，当然系以小菜为主啦！目标非常清晰下点了一个大羊腩煲，再加多一碟小炒椒盐田鸡～
羊腩煲有大同细份量供应，但大羊腩煲并唔算好大，唔使担心食唔晒！材料塞满整个煲，有羊肉啦、白萝卜、枝竹、马蹄、笋片，仲有铺面的大青葱～
随住愈煲愈滚嘅羊腩汤底，飘出阵阵浓郁嘅香气，直扑鼻蕾～未开始食已经感觉非常良好！
羊腩切得唔会太大件，一件分两啖食就啱啱好！肉质好松软，好腍，一啲都唔觉得韧同难嚼，羊肉吸收左汤底浓郁嘅精华，超正！仲食得出属于羊专属嘅骚味！唔使担心会太骚，只系好轻微～有羊骚先至叫食紧羊肉呀嘛！店家事前功夫真系处理得很好，先有咁好嘅水准！而且羊肉应该系属于新鲜嘅，因为如果系雪藏嘅，就唔系呢种质感同味道喇！当然系有比较之下先咁讲啦～除左主角羊肉好好味之外，配菜都一样唔马虎！白萝卜好入味，好腍，仲好甜！马蹄好爽，笋都系一样！支竹更加唔使讲，索晒啲汤汁，正啦！！
随羊腩煲仲附送新鲜生菜一大碟～shabu shabu~
好味都企唔稳咁滞！椒盐田鸡炸到热辣辣，外皮薄而香酥，内里仲保留肉汁，食得出系新鲜炮制嘅～椒盐味好惹味，但略嫌未够咸，如果加多丁丁咸味，就真系完美喇！
要衬天气冻，食多几次羊腩煲先得～揾军记就实冇错。
张贴
