貴州遵義黔營羊肉粉 (利群大廈)

营业中

休息中

冬天食羊就最啱，之前有朋友食过LEE间羊肉话好味又唔膻，今日终于可以约到D朋友嚟试下啦！店内环境好中式设计，都几特别，不过始终系旺区，D坐位就迫咗小小，要坐得亲密D。系香港主要系食羊嘅舖头真系好少有，基本上大部份都系羊，见餐牌就知，好啱冬天嚟帮衬。今日好开心叫咗好多款式一齐食…秘制羊排：真系超好味，肉质易咬有口感，味道适中，咸味刚刚好，唔会好椒盐，又真系唔觉有好劲嘅羊膻味，又唔会好肥，一件唔够喉，好想再食多件。羊肉粉、牛肉粉、红油干拌羊肉粉：大家SHARE食，有辣有唔辣，有汤有拌粉，羊肉唔会劲膻味；牛肉都唔错薄薄地有牛味；D粉口感好好，好滑。原汁羊肉汤、羊脚汤：个汤真系好清甜，同样唔会有大阵膻味，羊脚我无试，但朋友就话口感好好，弹牙咁话，下次真系要试下先得。凉拌青瓜、凉拌莴笋、凉拌莲藕：凉拌对我嚟讲就辣咗少少，但都好味。青瓜爽脆、莴笋同莲藕又爽口。同一餐饭有凉拌，有肉类，配在一起食又真系几好，唔会好腻。