影片
更多
2023-12-18
838 浏览
上网见到好多食评介绍，心谂天气冻不如食佢呢间个羊腩煲。。。 我当天下午3点打电话预订夜晚6点钟外卖拎，俾足够时间佢准备。 订咗个细煲，佢话预两至三个人食 $238 + $2 外卖盒。 去到拎外卖𠮶时已经觉得伏伏地。外卖盒有2个，一个系谭仔两𩠌米线咁大嘅胶碗，另一个系迷你叉烧饭嘅长方形盒。 当时心谂，胶盒装汤，长方形盒装𩠌及羊肉。 拎到返屋企𠮶时，打开个袋，原来个长方形盒系放生菜，个两𩠌面胶碗系羊腩煲嘅全部。结果我用咗平时渌公仔面嘅细煲都装得晒。 成个煲都系得6嚿羊肉，仲要唔系件件羊腩。 问心我自己都唔系好有要求，谂住求其同老婆食一餐。结果我哋要系雪柜加𩠌煲，先够两个人食。 羊腩煲味道：浓味，几野味，不过又真系唔系特别，纯粹系叫有个腐乳酱，同有冬菇马蹄。失望，唔会再食！
我当天下午3点打电话预订夜晚6点钟外卖拎，俾足够时间佢准备。 订咗个细煲，佢话预两至三个人食 $238 + $2 外卖盒。
去到拎外卖𠮶时已经觉得伏伏地。外卖盒有2个，一个系谭仔两𩠌米线咁大嘅胶碗，另一个系迷你叉烧饭嘅长方形盒。 当时心谂，胶盒装汤，长方形盒装𩠌及羊肉。
拎到返屋企𠮶时，打开个袋，原来个长方形盒系放生菜，个两𩠌面胶碗系羊腩煲嘅全部。结果我用咗平时渌公仔面嘅细煲都装得晒。 成个煲都系得6嚿羊肉，仲要唔系件件羊腩。
问心我自己都唔系好有要求，谂住求其同老婆食一餐。结果我哋要系雪柜加𩠌煲，先够两个人食。
羊腩煲味道：浓味，几野味，不过又真系唔系特别，纯粹系叫有个腐乳酱，同有冬菇马蹄。
失望，唔会再食！
张贴