紅伶飯店

营业中

休息中

有个为食兼嘴刁嘅朋友话一讲羊腩煲其中一间别是嘅就系呢一间位于油麻地内街嘅潮州打冷店，今日终于有机会试到。因为得三个人所以原本谂住要个细嘅羊腩煲，点知伙计哥哥话我哋三个都咁大只，叫个大羊腩煲啦，其实细羊腩煲$398大羊腩煲只系贵$100，见伙计哥哥咁有诚意而且都系有高人推介，我哋三个决定要个大羊腩煲。个羊腩煲好快已经到咗，应该系预先整好然后雪住佢有客叫就即刻攞出嚟虽然滚翻起要一段时间，不过比起平时食到嘅羊腩，呢个似乎入味啲，个锅好大，可惜幅相显示唔到佢嘅震撼度，入面亦都系好多羊腩，我哋三个夹极都有，伙计哥哥仲话呢个系潮州食羊腩煲，入面基本上都系羊腩，冇其他配料，所以好足料，羊腩多到爆，真系好食。