龍記小廚

营业中

休息中

入冬就梗系要食羊腩煲啦，是晚嚟到牛头角嘅龙记小厨试下，听街坊讲龙记小厨啲小菜唔错㗎。⭐龙记羊腩煲羊腩煲送生菜一份，个煲唔细羊腩都唔少，仲有笋、冬菇、马碲、枝竹等，炆得香口入味，连姜都炆都淋晒无渣㗎，羊腩连皮起正，点埋个腐乳酱无得弹呀😍⭐椒盐九肚鱼仲叫咗个香口嘢椒盐九肚鱼，九肚鱼炸得外脆内嫩，鱼肉入口非常滑，外面脆卜卜劲正。⭐白饭羊腩煲咁正梗系要返个白饭啦，净系啲南乳汁捞汁都食到几碗。⭐汽水饮饱食醉叫返罐汽水解下腻先，冻冰冰爽呀。店内食客都唔少，见枱枱都叫只鸡嚟食，莫非呢度啲鸡好正嘅？下次嚟试下先😋