越軒牛肉粉專門店 (已結業)

香叶辣肉燥炒饭，够香辣，特别喜欢佢多香叶，食呢款炒饭，香叶先系主角嘛。听到有客人嫌香叶太多，味道太抢。饭，好大碟，一个女生唔会食清光。最可惜系啲饭未完全炒到散晒一粒粒，仲有一旧旧白饭，而且食到有生米。呢两个扣分位确系好甘，不过，酸辣凤爪捞檬（个酸辣味调得啱啱好，惹味）、青柠薄荷冰（味道清新，冻饮唔使加钱），跟餐红豆糕（甜度适中）都帮手追返啲分。至于香茅牛肉汤檬，上枱时自动变咗汤河（赶住返工，照食）。用杯仔另上配料，够细心，材料丰富（喜见最爱的青柠）。牛肉系全熟牛，比较老，汤头唔太重味精。捞檬好味过牛汤河。落单要自己划纸仔，纸上的选项设计非常特别，几个人初嚟报到，花咗唔少午餐时间研究一轮先落到单。会再嚟食晏的，希望见到改善喇。