三家村水產 (已結業)

期待已久终于可以黎三家村食，但佢与我期望有反差。今日公众假期，但好多野佢地都话无，佢招牌菜一夜平无，柚子一字骨鸡翼无，连鱿鱼须都无，都叫人颇为失望。平心而论，食物质素不俗，芥辣八爪鱼芥辣味则刚刚好，唔会太辣，咬落口每一啖都系八爪鱼。其他寿司油甘鱼，带子等等 质数中规中矩。串烧方面，牛舌有d 老，要有较大牙力先可以咬碎。串烧菠萝好甜，加埋玉桂粉，将菠萝甜味升华，而且佢唔烧得干，菠萝汁仲保持到，系唔错嘅。仲有佢嘅烧伊比利黑毛猪，真心正，脂肪同肉比例洽当，咬落去层次分明，可以再encore!另外叫左一道盐烧喜之次，确实鱼系好鲜甜，但佢制造时落左好多盐，变相有时食果阵会沾到大部份盐，变左过咸。侍应礼貌同服务态度好好，整个晚餐一班朋友都食得好开心。望住港岛夜境同食住店员送嘅甜品，特别写意！最后，仲要玩夹蛋游戏中左大奖！为整餐画上完美句号。希望下次黎果阵可以有番多d 野食。