熺會館

营业中

休息中

尖沙咀呢间火锅店相当有特色，环境舒适又啱打卡。今餐我哋真系嗌咗好多嘢，等我为大家重点讲下。🌟锅底：鱼汤芫荽皮蛋豆腐锅 + 港式沙嗲锅黄色配橙色嘅鸳鸯锅，颜色几衬。鱼汤方面有好香浓嘅鱼味同豆腐味，芫茜味唔太重。沙嗲方面就辣度啱啱好，少少杰。🌟特级手切本地牛肉用圆碟上，肉都系围住圆形咁铺排相当美观。薄薄一块刚刚好30秒就熟。油脂分布方面瘦肉较多。🌟醉鸭舌好少火锅店会有鸭舌拣嘅，呢个系熟嘅，所以其他配料未熟都可以食住先。呢个系用酒腌制过嘅，所以有淡淡嘅酒清香。🌟特肥脆肉鲩鱼腩好钟意脆肉鲩特别嘅质感，就系肉质脆脆地。呢度好大旧，啖啖肉又有鲜味。🌟新鲜淮山淮山一向系饱肚之选，出面火锅店都好少有，呢度仲要系新鲜嘅。