影片
更多
2009-03-30
63 浏览
当日我地一行10人谂住去老牌京菜美利坚食吓饭,顺便一聚.因为知道佢d野大件头,所以共叫咗8样野食.1.煎锅贴锅贴既皮厚薄ok,一啖咬吓,亦有不少肉汁,唯不够热,如果热辣辣的会更好.2.炸熳头上菜不够热,简直系一大败笔,炸既野唔热,试问又点会好食.再加上无练奶蘸,更加令人意兴阑珊.虽则朋友说一些正宗京菜皆不附上练奶,但是惯咗呢种吃法既我,总系觉得不是味儿.3.赛旁蟹个晚最欣赏之菜式,香滑,口味清淡,比较适合女仕.4.茄汁虾仁锅巴虾既数量虽多,但全无虾味,相信系雪藏虾居多,且加入大量碱水将之弄至有不自然的爽口感.茄汁无茄味,彷似一滩红色颜色水而已.锅巴则ok.5.糖醋排骨自问成世女都未食过咁差既糖醋排骨.粉太厚系炸野既死罪,汁根本无一丝半缕糖醋味,又系死罪,至于d肉,sorry,我真系只系觉得食咗一旧野入口,完全无肉味,简直死罪中既死罪.唔该个帅父自己试吓味先比人食,真系太过份啦!6.京葱铁板牛肉当个菜上个阵真系令你满心欢喜,个铁板"滋滋"声,重有一阵阵香味,搅到人食指大动.点知食落口又另一回事.牛肉落得太多松肉粉或梳打粉,变得无哂肉味,肉汁都系无味,好失望.7.和菜带帽一个名字美丽但实际
1.煎锅贴
锅贴既皮厚薄ok,一啖咬吓,亦有不少肉汁,唯不够热,如果热辣辣的会更好.
2.炸熳头
上菜不够热,简直系一大败笔,炸既野唔热,试问又点会好食.再加上无练奶蘸,更加令人意兴阑珊.虽则朋友说一些正宗京菜皆不附上练奶,但是惯咗呢种吃法既我,总系觉得不是味儿.
3.赛旁蟹
个晚最欣赏之菜式,香滑,口味清淡,比较适合女仕.
4.茄汁虾仁锅巴
虾既数量虽多,但全无虾味,相信系雪藏虾居多,且加入大量碱水将之弄至有不自然的爽口感.茄汁无茄味,彷似一滩红色颜色水而已.锅巴则ok.
5.糖醋排骨
自问成世女都未食过咁差既糖醋排骨.粉太厚系炸野既死罪,汁根本无一丝半缕糖醋味,又系死罪,至于d肉,sorry,我真系只系觉得食咗一旧野入口,完全无肉味,简直死罪中既死罪.唔该个帅父自己试吓味先比人食,真系太过份啦!
6.京葱铁板牛肉
当个菜上个阵真系令你满心欢喜,个铁板"滋滋"声,重有一阵阵香味,搅到人食指大动.点知食落口又另一回事.牛肉落得太多松肉粉或梳打粉,变得无哂肉味,肉汁都系无味,好失望.
7.和菜带帽
一个名字美丽但实际上系简单材料煮成,味道一般.
8.北京片皮鸭
全晚最期待的一个𩠌,不过一上台又再失望,一片片的鸭肉切得唔够薄,一睇已feel到佢唔得,因为以前食过,人地片得好薄的.点知食落就证明咗我既第一感观.最不济既系佢已经涷哂,一d热力都无,真系十个失望,唉~~~~~~!
我想我应该唔会再去,因为无咩好食.
张贴
