上海豆漿大王

营业中

休息中

豆浆大王喺度已经开咗好多年，都依然屹立不倒，成日都好多人排队，所以我都好少入去食，通常都系买个粢饭。今日行过冇乜人，就入去食。 我就决定呢个刺激啲嘅，酸辣汤云吞粉丝，食辣嘢当然唔少得杯豆浆啦。 豆浆香滑，有豆味，又唔会有我最惊嘅豆渣，饮落非常舒服。之后角酸辣汤一嚟到，我已经流晒口水，非常足料。唔好以为粉丝就会畀少啲料，下面其实成大碗都系粉丝，真系多到食唔晒。菜肉云吞有四只，仲要大大只，非常满足。 朋友叫咗个上海排骨菜饭，排骨非常入味，炸到香脆而且份量非常多，菜饭亦都好香，唔会好似其他地方咁好油，简直一流。