匯城 (已結業)

星期一返到嚟公司就例牌打仗，坐低就开始忙，一路耷低头不停系咁做，直至2：30PM先知原来自己冇出去食LUNCH。即刻去茶水间睇吓有冇外卖纸先，揾咗好耐先揾到一张，就试吓附近汇城嘅下午茶餐掂唔掂先。真系好肚饿，叫咗一份炸鸡脾薯条再加一份单点火腿蛋三文治。外卖送得好快手，头尾15分钟就送到，所有野食都仲系热辣辣！炸鸡脾薯条，生炸嘅鸡脾仲出紧烟，非常好味，用旧式薯条，点茄汁食就一流！火腿蛋三文治，都算唔错啦，蛋整得啱啱好，唔会太老。呢个下午茶餐真系算唔错，价钱又合理。