咖啡弄 (已結業)

今日系5月20号，好多人表白嘅日子，不过无人同自己表白都要好好爱自己，好好爱自己就梗系唔少得爱美食喇，下午茶决定去台式茶餐厅咖啡弄 Coffee Alley，上网睇𠮶度嘅下午茶几好似都唔错，图片张张都几吸引下。海盐焦糖松饼，系咁睇就觉得无咩特别，一份有四件松饼外加一个雪糕球，松饼好正，烤得好脆，但中间层又好松软，外脆内软，焦糖好脆甜，雪糕球香滑，呢个松饼值8.5分。套餐饮品嘅抹茶，抹茶味几浓郁，口感几好。吐司披萨同鸡蛋沙律比到少少惊喜，鸡蛋沙律好清新，但吐司披萨稍为有少少咸，但烤得火候唔错，芝士拉丝好唔错，吐司饼底烤得好脆口。