珞桐冰室 (已結業)

星期日懒懒散散，去咗珞桐食下午茶。之前食过早餐觉得普普通通，奶茶味道过得去，今次专程嚟试下午茶。坐底见个小妹妹同爸爸食紧焗雪山，亚姐又 sell, 问吓妹妹好唔好食佢话好 (其实小朋友实钟意 🤣🤣)，佢爸爸又话呢个唔饱肚，咁我哋就叫一个啦，然后加个一口蜜糖多士，落咗单最少等 15分钟，先上焗雪山，初初好惊喜，好好味，食食吓有"了"到粒嘢。 。 。 点解焗雪山会生蛋嘅。 。 。又似粒粉粿 。 。。原来系雪米糍，又几得意㖞，但再食就有啲漏啰。 。 。跟住再嚟个一口蜜糖多士，多士好香口，但蜜糖只淋到面上，所以食到中间有啲干。两个甜品都有餐茶送，咁嘅价钱算系好抵食，下次再试其他咸点先。