何明記麵家餐廳

营业中

休息中

星期日同女友去元朗大棠睇红叶，其实之前想去好耐，不过因为怕多人，所以等到今日先去。睇红叶嘅人唔多，但系其实啲红叶已经枯得七七八八，但少人兼天气好，又可以轻舒脚头都开心。睇完红叶落返元朗医肚，见到大X饼家好多人办年货，近近地去咗对面𠮶间何明记食个下午茶。因为冇食早餐，所以大家都叫咗个份量重啲嘅下午茶，我叫咗北海道炒饭佢有叫咗焗猪扒饭。炒饭除咗有好多蛋白仲有啲XO酱瑶柱丝，炒得干爽俐落好味。女友个焗猪扒饭size细细，但有几旧薯仔同原片蕃茄。猪扒切细咗啱女士食好多。睇餐牌其实呢间嘢有好多嘢食。又卤水又烧味，小菜连素菜都有，下次会试吓佢啲小菜。