秘 (偉晴街)

营业中

休息中

平时都系食普通版吉列牛，今次系第一次食黑松露吉列牛，一碟总共有20块吉列牛。炉上面有一粒小小牛肉脂肪，涂喺石板上令牛肉冇咁易黐板。我自己钟意每边烧10秒左右，第一啖咬落去已经感受到浓厚嘅黑松露味，牛肉味道同样突出，两者互相辉映。加$58可转定食，会有饭素、樱花昆布汤同流心蛋。秘用嘅饭素口感较清新，而昆布汤带点花香。第二个主食系芝士吉列豚肉定食，豚肉本身固然出色，外皮酥脆，肉质软稔，但点上芝士酱令豚肉味道升华，芝士酱偏向稠身，所所以好轻易沾满豚肉。每款定食份量非常足够，不过我哋都叫多个野菜锅，入面有金菇冬菇萝卜杂菜等等。「秘」吉列牛嘅价钱比一般吉列牛餐厅低，但质素有过之而无不及，性价比极高，值得我由佐敦站行10几分钟过嚟（其实柯士甸站一出就系）。