龍江川粵菜館 (已結業)

餐牌上可选择的菜式好多，正当我哋揸唔定主意嘅时间亲切嘅店员就过嚟介绍佢哋嘅招牌菜。最后点咗豆腐海鲜汤、蒜茸炒豆苗、海鲜煎蛋、干煎咖哩鸡同蒜茸蒸鲜鱿。豆腐海鲜汤热辣辣，汤料见到有5-6条细鱼同唔少豆腐，味道唔算特别鲜甜，不过不失。蒜茸炒豆苗够镬气，好香味道都好好。蒜茸蒸鲜鱿好正！店员话鱿鱼系喺当地渔民𠮶度攞货，食得出好新鲜海鲜煎蛋好厚好足料，每一啖都食到配菜（洋葱、粟米粒等）同海鲜（食到有虾米仔），亦煎得好香！干煎咖哩鸡系店员推介嘅招牌菜，唔系一般咖哩嘅做法，而系将鸡件轻炸并用咖哩粉调味，几特别同香口惹味如果到访南丫岛可以一试唔系净系可以食海鲜的。