匠心廚房 (已結業)

同朋友好耐冇见👭大家都中意食中菜Book左位于尖沙咀楼上铺既 #匠心厨房出地铁站行一分中左右就到，超级方便！菜式有传统又有新颖，质素不错。环境都好舒服宽敞。韮菜煎蚝烙 $168蚝烙即系蚝饼。有别于大排档一大块既蚝饼，厨师将蚝烙切成三角形状，好精细。蚝烙带有蛋香、新鲜蚝味同埋韮菜香味，口感松化香脆，沾埋鱼露食更滋味。🦐翡翠花雕蒸虾球 $198滑嘟嘟既水蛋上有翠绿色既芦笋片、大虾球同埋杞子。卖相好靓好吸引🤩！最特别系加左🤏🤏陈年花雕酒，软滑既水蛋每一啖都透著酒香，入口即化！ 味道富层次感，送饭一流。🐮黑椒牛仔骨煲 $198牛仔骨煲够镬气，一开煲盖香气扑鼻。黑椒汁味香浓但唔会太辣，牛仔骨软腍唔韧，容易咀嚼，又系好岩送饭。🥭椰汁香芒黑糯米 $38黑糯米香甜软糯，捞埋椰汁同芒果一齐食，同朋友share岩岩好，好味又唔会腻人。