鳳城1954 (MegaBox)

营业中

休息中

呢排阿仔放暑假，成日都会嚟Megabox比大细放电，呢间凤城，地方够大，景观不错，食物部分年纪细都食得，加上约埋长老，佢哋喜欢中餐，呢度系又要亲子又要食好嘢嘅推介。雀笼下午茶平日抵食98，咸点甜点都有齐，猪包阿仔阿女见到都会双眼发光，做工精致可爱，叉烧包味道正常，绿茶就有点苦涩，奶皇流心热食最惊喜。岛笼中层虾饺烧卖都好味，够大粒又弹牙。下层有咸水角，烟韧大只又够脆。雀仔系凤梨酥，芒果布甸正常，布甸上的彩色龙须糖几惊喜。口水鸡辣，不过够惹味，肉质嫩。春卷皮够脆，足料。味道不俗，推介。煎酿鲮鱼鲮鱼多厚够大块，有d骨，食果阵要小心，汁料多，不错。春风得意肠粉皮够皮，包住脆皮虾肠，口感一流。大良炸鲜奶脆皮唔厚，厚度适中，包住鲜奶，鲜奶够滑，不错。干烧伊面面质弹牙，够镬气，个味道较淡。