京香閣 (已結業)

是日一行三人到上环京香阁食放题。人头计可以有一转砂锅花胶鸡汤，鸡味浓花胶正。仲有一碟。原只鲍鱼花菇，只鲍鱼个味都几好，花菇几大只个菇味几香。有好多前菜热食，都唔 一一介绍。小笼包除了热辣辣外，个肉质都几好唔会死实实雪味咁。片皮鸭皮脆肉嫩又唔会太肥，配合上蜜瓜青瓜加酱汁冇咁肥腻感觉。冷盘中个醉鸡同醉虾都几香口，花雕酒味又唔算太抢但入晒味，而虾肉质好实肉。酱茶鸭都几香几好味道。炒土豆丝都几干身，炒得几香口好味。甜品方面食了个高力豆沙都ok,红豆唔会过份甜。豆沙锅饼都几好食。炸馒头加奶可以话系夹到一绝。仲有汽水，豆浆，热茶等等可以任饮。