將軍會館

营业中

休息中

一家四口路给经宝琳，揾埋公公婆婆开餐。老人家例必吃中菜，呢间之前试过好食，一于再帮衬。呢间酒楼地方大，又光猛，坐得好舒服。豉椒斑头腩炒河斑头腩大大旧，啖啖肉，又够味，河粉够滑，无黏埋一旧，炒得好有镬气。清蒸虎杉斑条鱼蒸得刚刚好，鱼肉好滑，配埋葱同豉油送饭，小朋友好钟意食。沙姜葱油鸡沙姜同葱油配合得好夹，无抢大家既味，鸡肉滑嫩，美味推介。豉汁白鳝煲仔饭打开瓦煲盖，个饭好香，饭量多，有饭焦，白鳝肥美，鱼肉爽脆，配埋豉汁，饭又有鱼味，好夹！椒丝腐乳通菜通菜新鲜，加埋虾干炒够腐乳，又够香，惹味。燕窝炖蛋白燕窝都几多，蛋白蒸得算滑，味道清甜。