燒鳥亭

营业中

休息中

朋友之前去过烧鸟亭食饭，话好好食，我就都约埋佢再食多次！烧鸟亭位于跑马地成和道中国银行隔离，门口有好日式嘅红灯笼高挂，非常易揾，入到店内好热闹好有气氛，餐厅比较多人，好彩有订到位。食之前叫左支清酒「京之雅 纯米大吟酿」，同埋鸡泡鱼干。本人好钟意食秋葵，见到有3种用秋葵做主题嘅串烧，即刻叫左净秋葵，秋葵牛肉卷，秋葵豚肉卷。仲有叫左只特大烧盐烧虎虾！虎虾烧到啱啱好，唔会太香口太过火，里面保留虾身鲜嫩，面头带有少少海盐味，问侍应生系用咩盐去烧？原来全店所有串烧系用伯方盐，伯方之盐来自濑户内海，是日本著名产盐之地。之后叫左厚切牛舌，牛舌好有汁感，咬落去好弹牙，好有牛味，外脆内软。鸡肉酿莲藕，好有新意，第一次食到莲藕同自家酿制嘅十分夹。白鳝肥美，皮脆肉滑。带子酿鸡翼，用鸡全翼包住带子，比带子吸收晒鸡汁，鸡翼烧得十分香口。最后点左烧淮山，用新鲜淮山嚟做串烧，口味好滑，加少少黑椒令味道更丰富。人均因为朋友有申请会员卡9折优惠 400左右当然我自己都即时申请张下次再食过！