昌發泰國粉麵屋

营业中

休息中

哩间泰国菜，每隔一排就会有心瘾，想去食佢嘅猪手同船面。见近排天气凉咗，又系去食返碗热粉面暖胃嘅时间。今次叫咗凤爪汤金边粉、咖哩鸡金边粉、猪手、椰汁冰。凤爪质素一时时嘅，我试过佢太好生意，未煮够身就要卖，咁个凤爪就会偏爽啦。今次哩碗系啱啱好，卤水好入味，皮软而未至于融掉，入口一啜啲肉连皮就即刻离晒骨。超好味。咖哩鸡个汁好浓好够味，辣辣地好暖身。原本每次嚟都会叫猪手粉或猪手饭嘅，但今次觉得叫碟争猪手可能会抵啲；的确无决定错。猪手好大碟好抵食呢。猪皮好多胶质，好软好入味，就算皮内嘅瘦肉都唔会硬.... 结果两个人，一人一碗粉，再加成碟猪手，食晒..... 哩度粉面嘅份量我觉得都唔算细，隔离枱一个大男人食一碗汤粉唔加其他嘢都够。4-50蚊一碗咁有质素嘅泰粉超级抵食。佢仲有好多其他菜式㗎，小食小炒全部都好得，不过近排唔知系咪疫情关系，无开炉无小炒食，如果唔系必叫马拉戋炒芥兰。