Romanova Bakery (已搬遷) 新店位置

我朋友生日要谂吓去边度揾蛋糕，其实都唔系想像中咁容易，因为有啲蛋糕好味得来未必好好睇，有啲调返转就系做得好靓，影相就非常之好，但系识落就好简单嘅忌廉海绵蛋糕咁。一系就系一个圆形或者长方形海绵蛋糕，之后帮你打印一张相落去，最多就系帮你侧边加啲cream，或者加多少少色彩丰富嘅水果，杂果之类。你今次经过朋友介绍嚟咗呢间买蛋糕试吓，地点非常方便就响K11 Art Mall入边地铁𠮶层，落雨都唔使惊。试咗佢最出名嘅俄罗斯蜂蜜千层蛋糕，虽然张相影得唔靓，但系味道同外表都好靓，去买蛋糕𠮶阵时服务态度都非常好，非常细心，食落去嘅味道亦都好香嘅蜂蜜味同埋开心果嘅味道都好出。仲有要特别提到佢售后服务都非常好，攞完蛋糕之后𠮶一日都会问返我食完之后觉得点，同埋服务方面有冇需要改善嘅地方之类，好细心好识做生意。绝对会建议其他朋友有机会买来试吓。