椰粉湯紅 (已結業)

午饭时间喺湾仔地铁站附近。记得多次路过呢间名字好特别嘅餐厅，但系都未食过，趁今日有机会就去试吓。叫咗「竹丝海南鸡椰香饭」，好快就嚟到。竹丝鸡鸡皮黑麻麻但又亮晶晶😍，有啲油光，食落口鸡肉非常鲜味，一啲都唔韧但又有啲咬头，好食。椰香饭就散发微微椰子香味，应该亦捞咗鸡油所以非常香口。仲有𠮶个秘制酱汁沾竹丝鸡吃一流。仲叫咗「青红萝卜马蹄抗肺炎汤」，呢个汤煲得好清，绝对冇落味精，原汁原味，抗疫期间饮感觉非常良好。虽然大热天时，但系饮呢个热汤觉得有助消暑。仲未够喉，再来多个冻饮「热情丰盛」，里面有杞子，非常滋润。呢餐系非常健康、好味、滋润嘅一餐😊