樂天皇朝 (將軍澳中心)

营业中

休息中

前几日去将军澳中心买野，之后就同朋友食呢间中菜。皇朝小笼包 $138呢度似乎最出名嘅系小笼包，所以我哋冇理由唔叫小笼包食呀。但小笼包有成八款口味，我哋都好选择困难唔知点解好，于是就叫咗呢个有齐八款口味嘅皇朝小笼包。佢建议呢八款口味跟次序食嘅，依次为原味、糟溜丝瓜、鹅肝、黑松露、芝士、蟹粉、蒜香、川味。真系每款都唔同味嘅，味道好突出，最重要嘅系每件都皮薄馅靓，咬落去爆汁。我个人最钟意嘅系蟹粉，香浓嘅蟹味同小笼包真系好夹，好想食多几件。另外鹅肝都好特别，从来冇谂过鹅肝同小笼包可以扯上关系。开阳葱油拌面$53呢个葱油拌面意想不到地好食，面质弹牙，葱油味亦都好香好惹味，另外配埋浓郁嘅汤汁，点一点又可以去一去葱油嘅油腻感，相当唔错。上海炒饭$93炒饭都几大份，每粒饭粒粒分明，炒得有镬气。