影片
更多
2024-05-05
1865 浏览
同个老死倾开偈，原本佢都未嚟过观塘啲厂厦食私房菜，咁就啱喇，难得三人行就一于带佢哋嚟试吓「御膳」。因为食过好几次，出品高质，水准稳定，永无失望，所以先够胆推荐俾大家。仲有就喺贪佢价位唔算高，亦都做得有特色。 一出电梯对正就喺餐厅，老友嘅第一个印象就喺别有洞天嘅感觉，估唔到厂厦有啲咁类型餐厅，带少少神秘感。而推门内进，地方唔大，夹夹埋埋都喺6、7张枱左右，装修简约，光猛整洁，有别一般大酒楼、大酒家嘅奢华，卖嘅喺服务同食物质素。除咗散点，仲有好多款套餐，2-12人餐都有，如果懒谂，就索性俾个「笔直」店家等佢帮你度。冬瓜瑶柱海鲜羹广东人都喺喜欢饮汤先，所以，就先上呢个海鲜羹，估唔到我哋就只喺3个人，但份量上就俾到一大汤碗，够每人分到两整大碗。最正喺汤头非常之清甜，口感绵密柔滑，加上落料一啲都无手紧，里面有好多鲜虾仁粒、带子粒、冬瓜丝及大量干瑶柱，所以，咸鲜味十足，非常之好饮！玻璃脆皮乳鸽喺店家近嚟嘅招牌菜之一，即叫即做，师傅话推出嚟喺省一省招牌。先讲外观，炸得好靓仔，色泽非常均匀亮丽，由于新鲜炸起，咬落热焫焫，薄薄嘅外皮够晒酥脆，肉质就非常之嫩滑细致，却好有肉汁，无论用料，抑或烹煮手势都好有
一出电梯对正就喺餐厅，老友嘅第一个印象就喺别有洞天嘅感觉，估唔到厂厦有啲咁类型餐厅，带少少神秘感。而推门内进，地方唔大，夹夹埋埋都喺6、7张枱左右，装修简约，光猛整洁，有别一般大酒楼、大酒家嘅奢华，卖嘅喺服务同食物质素。
除咗散点，仲有好多款套餐，2-12人餐都有，如果懒谂，就索性俾个「笔直」店家等佢帮你度。
冬瓜瑶柱海鲜羹广东人都喺喜欢饮汤先，所以，就先上呢个海鲜羹，估唔到我哋就只喺3个人，但份量上就俾到一大汤碗，够每人分到两整大碗。最正喺汤头非常之清甜，口感绵密柔滑，加上落料一啲都无手紧，里面有好多鲜虾仁粒、带子粒、冬瓜丝及大量干瑶柱，所以，咸鲜味十足，非常之好饮！
冬瓜瑶柱海鲜羹
61 浏览
0 赞好
0 留言
玻璃脆皮乳鸽喺店家近嚟嘅招牌菜之一，即叫即做，师傅话推出嚟喺省一省招牌。先讲外观，炸得好靓仔，色泽非常均匀亮丽，由于新鲜炸起，咬落热焫焫，薄薄嘅外皮够晒酥脆，肉质就非常之嫩滑细致，却好有肉汁，无论用料，抑或烹煮手势都好有水准。
玻璃脆皮乳鸽
18 浏览
0 赞好
0 留言
香煎花龙虾好多时食龙虾都喺上汤焗、芝士焗或蒜蓉蒸，但今次就香煎，简单得嚟都考功夫。由于龙虾已斩件，咁比较易分，煎得色泽金黄，啲肉一撩就起，成大大嚿肉放入口，不知几爽，亮点喺虾肉弹牙到不得了，又极有虾鲜味，加点点豉油王去煎，更有提鲜之效。垫底嘅脆面都唔好错过，卜卜脆，过吓口瘾。
香煎花龙虾
16 浏览
1 赞好
0 留言
白胡椒爆炒南非鲍鱼继续又喺海鲜菜式，再嚟喺南非鲍鱼，一上枱就散发出浓浓白胡椒香，鲍鱼爆炒之后，好有镬气，口感软腍得嚟仍保持一份柔韧感，虽然白胡椒味比较抢，但不失鲍鱼嘅鲜甜味。温馨提示，如果唔食得太辣嘅朋友，就事先向侍应讲声「少辣」，等师傅唔好太重手。
极黑猪叉烧烧烤嘢一向梗喺即烧即食就最好架啦，呢度嘅叉烧卖点就喺即烧，加上采用西班牙黑毛猪，够诚意又用料正。出嚟嘅成品真喺宁舍唔同，叉烧肉质极之松化细嫩，脂香中又渗出少少酒香，加埋少少㶶边位，老死都大赞正呀喂！
极黑猪叉烧
26 浏览
0 赞好
0 留言
上汤浸春菜春菜唔好话食，听都喺印象中第一次，咩喺「春菜」，个样同个口感都有少少似芥菜，但质感比较嫩啲；又似似哋菜心，有𠮶份清甜味，都几特别，加上吸满上汤，食起嚟更为鲜味。师傅话唔喺成日有靓春菜，出一轮又可能无咗。
极黑猪叉烧扬州炒饭同你讲扬州炒饭就梗喺无咩特别啦，但加咗上述嘅极黑猪叉烧粒，仲有新鲜虾仁，立时升级晒啦。的确个炒饭炒得好有水准，一来饭粒分明，二来唔好炒得好油，入口既爽身，又香口、够镬气，再者，饭内混有好多叉烧、虾仁、蛋丝，口感十分丰富。仲有，份量多，又喺每人分到两大碗，食完真喺饱晒。
极黑猪叉烧扬州炒饭
11 浏览
0 赞好
0 留言
最后餐厅仲会奉送甜品，等呢餐有个甜美作结。是次甜品喺抹茶奶冻，做得唔错，好有抹茶嘅清幽香味，个口感就做得挺身，但又够软滑。
都话佢哋保持到水准，时隔5年再嚟，啲嘢都无令人失望。连埋酒水都喺每人四百多少少，招呼熨贴，上菜有序，速度又啱啱好，更唔会话要几时交枱，等客人慢慢食，慢慢倾。仲有免开瓶费、免切饼费、又无加一，好啱一大班老友嚟搞吓大聚会。
张贴
