麻辣小聚 (93WYS) (裝修中)

身为一个吃货，食过既好餐厅当然要推介比朋友，食过旺角果间麻辣小聚好正，就即刻约咗好朋友过嚟呢度聚下旧食吓饭啦！呢间餐厅嘅环境几有特色，装修都系布置住好有怀旧嘅风味！而且呢度嘅款式好多，主打都系正宗四川菜！一定要食嘅就梗系呢一份回味水煮鱼！呢一个水煮鱼系用咗海鲈鱼嘅鱼肉去做，所以非常之滑！而且鱼肉嘅鲜甜味道亦都十足！至于呢个水煮鱼嘅汤底就真系好吸引，好正宗四川嘅麻辣风味！辣得来好过瘾！仲叫咗一份山城辣子鸡，辣子鸡嘅份量好多，两个人食绝对足够！鸡肉亦都炸得啱啱好，做到外脆内软！而且呢一度嘅辣味我觉得算系中辣，非常刺激好食！