Coedo Taproom (Fashion Walk) (已結業)

旧同事相约一齐食午餐，带咗我去咗响食街嘅呢间吧，酒吧加设午餐好似已成趋势。酒吧外有露天座位，方便带宠物同需要呼吸嘅客人。见店名几特别，上网查了一下，原来系属于一家日本啤酒品牌，唔怪之得有咁多种Tap Beer供应啦！有4款午市套餐，其实几吸引，不过更想食鳗鱼梳乎厘饭。梳乎厘饭？真系有个梳乎厘架，香喷喷要趁热快啲食，首先要响梳乎厘开个小孔，将樽仔嘅蛋白汁倒入去，等一阵就可以搞匀嚟食，梳乎厘松软空气感十足，鳗鱼酥软甘香，捞埋饭一齐食，好味到一啖接一啖，俾我成个食晒呀。炸鹿儿岛萨摩赤鸡呢个炸鸡好正，粉浆薄，外脆内嫩，肉质富弹性，食落肉味浓郁，好好味。食炸鸡梗系要配啤酒啦，叫咗一杯Tap 2 Shiro，容易入口，果味芬香。啤酒煮蚬充满麦香‧味道鲜甜，正呀！炸广岛蚝够哂香脆，蚝味浓郁，唔错。旧同事嘅吉列厚切牛脷饭，牛脷四四方方，大大旧，听讲口感好特别。下次饮嘢，又多个选择啦。