CURATOR Art & Café (已結業)

Curator Art & Cafe 西餐厅,餐厅装修得好有格调,除咗有各款高质美食,仲有展销品可以购买。餐厅主打艺术打印朱古力非常之特别,可以自己选择任何图案相片打印落杯朱古力面上面,今次我哋选择咗梵高嘅图案,朱古力好似艺术品一样,估唔到味道仲要好好,入口朱古力味香浓,加上面𠮶层奶味好幼滑,又香又好味。香煎带子南瓜菠菜烩意大利饭 178元,前菜杂莓沙律配乳酪酱汁 ,沙律菜非常新鲜,配上蓝莓草莓士多啤梨,又清新又开胃。带子好大粒,每一粒都好厚,入口味道鲜甜口感弹牙爽口,肉质细嫩。意大利饭煮到啱啱好,口感烟烟靭靭食落好有咬口,香浓嘅南瓜味配上菠菜鲜味整体嘅味道好有层次,每一粒饭都挂上南瓜汁味道香浓。三文鱼忌廉长通粉 168元,入口口感creamy,又唔会觉得油腻,味道有点清新嘅感觉,三文鱼肉份量好多,入口鱼肉香滑软嫩,加上有少少鱼油脂肪令到三文鱼味道特别鲜甜,长通粉口感软滑,配上忌廉汁嘅香味,加上三文鱼整体嘅味道非常配搭。