87 Coffee

营业中

休息中

今日放假约咗朋去元朗行街睇戏,未够钟睇戏谂住喺附近揾间cafe坐下,无意中发现附近有间cafe,即刻入去试下。87 Coffee ,餐厅位置喺水车馆街一条横行,地方虽然唔大,但系装修得好整洁,座位空间感足够,有盆栽点缀,感觉都几舒适。芦笋鸡肉忌廉汁扁意粉 78元,份量好多,上面铺满芝士粉,鸡肉。鸡肉食落去好嫩滑,煎香咗鸡味更加香浓,配上爽口清甜嘅芦笋增添口感,芝士粉令到意粉同鸡肉嘅味道更加有层次,意粉亦都煮到啱啱好唔会太林,食落去烟烟靭靭有咬口。香浓意大利饭配纽西兰肉眼 108元,卖相真系劲吸引,牛扒煎到啱啱好,厨师好细心已经切到一片片,入口牛肉味好香浓,牛肉非常嫩滑仲好juicy,有入口即溶嘅感觉。意大利饭肉挂满忌廉汁同芝士,入口烟烟韧韧好有口感,整体嘅味道配搭得啱啱好,非常好食。另外点咗杯冻 Latte ,咖啡味道香浓入口好幼滑,味道有少少回甘,啱晒我嘅口味。