麗姐素食館 (已結業)

之前在同一位置的友间斋舖无声无息地结束，换来了丽姐，今晚在屯门巿本想食吉野家但太多人，于是转移来试下丽姐。环境坐得几舒服，夜晚无餐食，散叫的，临近关门时间都比我地入黎食，食物送上几快，但漏左个汤，等好耐问返先拎黎，服务态度却几好。南乳斋煲$78-因为见到隔离食紧好似几好食，问左店员就叫，有唔同新鲜既菜，主要系娃娃菜同椰菜，配搭几好，卖相都唔错，最紧要系个南乳汁好好味，浓稀适当唔会太咸，底下仲有粉丝添，下次都要再食！另一个粟米斑块$78 就麻麻地，好薄片无口感，应该是用面筋之类做，好实净唔松化，味道唔好，粟米汁亦好hea，一啲都唔似斑块，个人唔喜欢，一块都唔想食晒。老火汤$12-无味精，似屋企汤，无肉煲所以唔油腻，但都够甜，又多料，可吃。