天丼 (已搬遷) 新店位置

打完风后的星期日，同家人出去Yoho午饭，顺便补充番啲物资。过去2日打风唔系公仔面就系麦当劳，所以今日本身系想食清淡少少的，但后来拣咗天丼。周末的Yoho mall一定劲多人，差唔多3点去到时都要排队，不过比预期中快咗有位。家人叫咗天妇罗乌冬配豚骨白汤，各样天妇罗都新鲜，一来应该真系有单先即炸，二来炸的时间亦都控制得好，而乌冬亦算弹牙，唯独炸虾的味道较淡。我就叫咗个华味鸟天丼，天妇罗有2件薄鸡肉，2件鸡宝，莲藕，四季豆，再加半熟蛋。我较钟意鸡宝的味道，食完2件仲想要多啲，反而薄鸡肉我觉得一般。莲藕及四季豆都掌握得好，炸的时间适中。半熟蛋捞埋饭一齐食好正。另外追加茄子及蕃薯各一份 (每份2件)，蕃薯都炸得好味，推介！虽然系天妇罗，不过炸得一啲都唔油腻，大家都可以试下！提提大家，用膳时间为45分钟，会否好赶？对于我同家人就无问题。