影片
更多
2016-11-16
2054 浏览
深水埗明哥，相信大家都唔会陌生，因为佢嘅慈善心肠，令细妹同我好欣赏、好敬佩，所以不时会特登走去帮衬佢！细妹通常买外卖净𩠌，廿蚊一盒，满满的，大大盒！我喜欢佢嘅豆角炒蛋、鱼香茄子、炒什菜火腿西兰花&鸡柳炒椰菜花！总之多菜少肉就最啱我！菜系新鲜爽脆嘅！尤其豆角、西兰花同椰菜，但有时落南乳可能重手咗，我觉得间中有阵微酸味！椰菜花就偏稔，老人家会啱食啲！鱼香茄子同炒蛋都又稔又入味！炒蛋有时好似食到类似蟹壳碎，唔知系蛋壳定蟹壳？炒蛋偏湿，一大pat，虽然貌相麻麻，但味道好鲜味！唯一值得改善嘅系，所有小菜都好油腻，我细妹话可能佢哋惊黐镬麻烦，所以落油重手啲，系有佢嘅道理，但我觉得如果冇咁油腻会再加分！坦白讲，$20有咁嘅份量同水准，绝对值得支持！当然更值得支持嘅，系明哥对弱势社群嘅爱心！我哋会继续帮衬，你呢？
细妹通常买外卖净𩠌，廿蚊一盒，满满的，大大盒！我喜欢佢嘅豆角炒蛋、鱼香茄子、炒什菜火腿西兰花&鸡柳炒椰菜花！总之多菜少肉就最啱我！
菜系新鲜爽脆嘅！尤其豆角、西兰花同椰菜，但有时落南乳可能重手咗，我觉得间中有阵微酸味！椰菜花就偏稔，老人家会啱食啲！
鱼香茄子同炒蛋都又稔又入味！炒蛋有时好似食到类似蟹壳碎，唔知系蛋壳定蟹壳？炒蛋偏湿，一大pat，虽然貌相麻麻，但味道好鲜味！
唯一值得改善嘅系，所有小菜都好油腻，我细妹话可能佢哋惊黐镬麻烦，所以落油重手啲，系有佢嘅道理，但我觉得如果冇咁油腻会再加分！
坦白讲，$20有咁嘅份量同水准，绝对值得支持！当然更值得支持嘅，系明哥对弱势社群嘅爱心！我哋会继续帮衬，你呢？
$20
68 浏览
0 赞好
0 留言
张贴
