影片
更多
2024-09-03
247 浏览
今日老公生日，佢话想食韩烧，拣咗呢间餐厅试吓。喺尖沙咀楼上铺，占据一整层地方，面积好大，我哋2人都可以坐大大张卡位，好舒服。.每张台台面都有烧烤炉，抽风系统做得唔错，唔会觉得好热好大阵油烟味。.每人都有3款酱料配牛肉食，包括芥末、韩式辣酱及芝麻盐。我最钟意韩式辣酱，点韩牛一齐食好夹！🤩.我哋一坐低就有5款细细碟的伴菜，包括泡菜、炸虾仔、芽菜、萝卜片、鱿鱼仔，全部都系酸酸辣辣，非常开胃！👍🏻.我哋叫了2人「1++韩牛」烧烤套餐，包括炸蛋梳乎厘、酿冬菇伴柚子沙律、韩牛肉眼扒1++（300g）、雪花牛肉（100g）、调味特级牛肋条（100g）及泡菜炒饭。肉类更加有葱、荀、冬菇、薯仔伴碟。我哋以前去韩国旅行时试过食生牛肉他他，一试爱上！见到呢间餐厅menu都有，当然要试吓啦！.先嚟呢个酿冬菇伴柚子沙律。酿冬菇好特别！佢用鱼肉去酿冬菇，鱼肉肉质弹牙，冬菇够淋，生菜好新鲜好爽口，配埋酸甜柚子汁捞埋一齐食好开胃！我哋好快就清晒呢碟沙律。.左边系雪花牛肉；右边系肉眼扒。.呢块肉眼扒又厚又大块！但食落一啲都唔鞋！原来呢度嘅侍应会过嚟帮手烧，仲会教我哋点烧先锁住肉汁最好味！服务好好呀👍🏻.我哋食完呢块肉眼
.
每张台台面都有烧烤炉，抽风系统做得唔错，唔会觉得好热好大阵油烟味。
.
每人都有3款酱料配牛肉食，包括芥末、韩式辣酱及芝麻盐。我最钟意韩式辣酱，点韩牛一齐食好夹！🤩
.
我哋一坐低就有5款细细碟的伴菜，包括泡菜、炸虾仔、芽菜、萝卜片、鱿鱼仔，全部都系酸酸辣辣，非常开胃！👍🏻
.
我哋叫了2人「1++韩牛」烧烤套餐，包括炸蛋梳乎厘、酿冬菇伴柚子沙律、韩牛肉眼扒1++（300g）、雪花牛肉（100g）、调味特级牛肋条（100g）及泡菜炒饭。肉类更加有葱、荀、冬菇、薯仔伴碟。
我哋以前去韩国旅行时试过食生牛肉他他，一试爱上！见到呢间餐厅menu都有，当然要试吓啦！
.
先嚟呢个酿冬菇伴柚子沙律。
酿冬菇好特别！佢用鱼肉去酿冬菇，鱼肉肉质弹牙，冬菇够淋，生菜好新鲜好爽口，配埋酸甜柚子汁捞埋一齐食好开胃！我哋好快就清晒呢碟沙律。
.
左边系雪花牛肉；右边系肉眼扒。
.
呢块肉眼扒又厚又大块！但食落一啲都唔鞋！原来呢度嘅侍应会过嚟帮手烧，仲会教我哋点烧先锁住肉汁最好味！服务好好呀👍🏻
.
我哋食完呢块肉眼扒后都饱咗6成啦！😆 紧接著有雪花牛肉，有好多雪花呀😍 分布得好平均，每啖雪花牛肉都有油脂但又唔腻，唔似日本和牛咁成啖都系油融喺口，韩牛比较有牛味及有咬口，好正😋
.
跟住嚟咗碟蜂蜜梨汁生牛肉。呢度嘅生牛肉切得比较大粒，会容易咬到筋位；而梨子亦比较淋身，咬落口感唔够爽。味道都算几好，但对我嚟讲辣咗少少，梨子唔够遮住辣味，做唔到辣味同甜味平衡。
但其实都已唔错，比我喺香港其他韩国餐厅食过嘅生牛肉好味，只是仍不够我喺韩国马场洞食过的那碟生牛肉好味😆
.
接著炸蛋梳乎厘上台。哗！真系成只大炸弹咁，好巨型！表面有好多蟹籽及熔咗嘅芝士，内里系蒸蛋。不过呢只炸蛋味道好淡，口感好实，食咗1/3个已觉得好「漏」食唔到落去了。
.
之后侍应继续帮我哋烧调味特级牛肋条。哗呢碟牛肋条嘅调味好正！甜甜地又入味，肉质淋得嚟又锁住晒酱汁，真系好好味！😋
.
食到呢度，其实我哋都饱咗8成了。最后仲有泡菜炒饭，饭量都够每人一碗。侍应会帮手即场炒。佢先将白饭、泡菜、腌萝卜同蟹籽一齐炒，之后落埋牛油炒，最后落埋紫菜同芝士，冚盖焗一阵，啲芝士熔晒好正。
.
估唔到2人套餐份量咁多！每样菜都大大碟。2人套餐$1080，另外散叫的蜂蜜梨汁生牛肉$180。呢餐真系好抵食又好味呀！❤️
张贴
