Plato (已搬遷) 新店位置

之前黎开油麻地都一直好想试呢间餐厅，可惜次次都好多人。撞正平日早Ｄ到终于有机会试喇！食物方面都好多选择，有散叫、二人餐或者set.今次我地就简叫左个套餐加小食，饮品同cake。 美国安格斯牛扒7成熟加一个combo要水牛城鸡翼。combo份量会比散叫少一啲，咁样唔洗惊小食已经食饱左又可以满足到口痕！ 水牛城鸡翼最惊喜既地方系有菜拌碟一齐上，啲菜仲要新鲜，食完浓味既野食返啲菜清一清一个口再等食牛扒。呢个安排真系好贴心。等左无耐，主菜就到喇！第一步紧系要试下切唔切啦。切到之余，成块扒无乜筋，基本上一咬即烂。虽然块扒本身有调味，但系都有提供酱。不过试完之后，觉得就咁食已经好好味，唔需要再用酱食完个小食同扒已经好饱喇，再食埋New York cheese cake 简直大满足。环境真系好岩朋友，情侣黎倾计，最重要系无限时。