豐碩 (已結業)

同屋企人黎食晚饭，朋友介绍话哩度既中菜小炒正，叫我去试下。上到黎甚是热闹，好多枱打紧边炉，原来晚饭除左食小菜，仲有得打边炉，下次黎试下先。翻阅餐牌见到好多款精选小菜，价钱仲好实惠，仲有不少晚市优惠小菜，正！白灼海生虾 半斤$68最中意食白灼虾，咁先食到最鲜既味道，新鲜与否一食就食。半斤都几多虾，同喺屋企食既价钱差唔多，虾都好新鲜。话梅猪手 $88系我既推介，好食到停唔到。好多猪手唔好睇佢例牌，加左甜醋同话梅酸酸甜甜好开胃、猪手炆得入味又林，底下仲有蕃薯好甜。原盅炖花胶汤 $168非常意外系咁大盅！好抵，花胶系超多，啖汤好鲜甜，好足料，哩盅汤够5-6人饮。清蒸沙巴龙趸仔 $88系晚市优惠先可以唔洗$100就食到龙趸，好抵！龙趸细细条d肉仲滑，蒸既时间较得刚好，条鱼眼仔突突就睇到佢新鲜。姜蒽焗桶蚝 $168超大只的蚝，一食落口好juicy 好好味，入面系好鲜嫩，而且用石锅整非常够热同够镬热，亦系我认为必食菜式！今晚哩餐样样菜都好出色，食得好开心。