哥哥添飯•妹妹泡茶

营业中

休息中

盐酥脆炸鸡配鲁肉饭 $108($10升级定食：时令前菜三小碟+鲁肉/杞子青菜+小甜品)炸鸡系两大件鸡脾，外皮酥脆，鸡肉嫩滑，食落juicy唔干身。鲁肉饭味道唔会咸，肉碎份量好足，满满一碗好饱好满足。前菜有香脆嘅鱼仔花生、香甜回甘完全唔苦嘅苦瓜、同酸瓜，好吃开胃。青菜系油墨菜，配杞子口感清新爽脆，配鲁肉味道浓而不腻。而小甜品系香甜嘅忌廉同巧克力泡芙。- - -岩盐咸猪肉拼皮蛋酱生菜包 $108($10升级定食：同上)岩盐系健康嘅矿物盐，上菜咸猪肉放喺岩盐板上面，均衡沾上盐份嘅咸香。猪肉片香煎唔肥腻，可以自由配搭夹系生菜或者蒸刈包到食，再涂上皮蛋酱，味道咸咸地，香口好吃。- - -乳酪芝芝六重天综合奶茶 (套餐加配 $34)超足料嘅饮品，表面有胚芽加香浓芝士奶盖，底下有黑糖珍珠、手工芋圆、芋泥，再混合系淡奶茶，饮落口感味道层次都好丰富。- - -乳酪芝芝爱玉水蜜桃 (套餐加配 $38)水蜜桃特饮比较清新，表面系甜甜酸酸嘅乳酪奶盖，水蜜桃茶味道清甜，入面仲加左爱玉，有咬口之余又唔会覆盖到饮品嘅清纯。