忠孝東路

营业中

休息中

印象中台湾菜一向价钱经济，但论美味程度不及依间咁有质素。点左三样野食完无咩可挑剔，二人食两百蚊埋单在尖沙咀区来说确系抵，CP值高。环境唔错干净企理，位于isquare 商场里，约人食饭都好方便。墨汁花枝香肠 $56香肠切成片状，软弹口感黑白分明，花枝味香浓，好味。香酥怪味鸡 $60份量十足，有十几件好抵食，炸鸡非常香脆， 鸡肉保留到肉，调味了得。忠孝鲁肉饭 $65饭大大碗，用上珍珠米饭粒饱满粒粒分明，鲁肉用上瘦肉成碗饭唔太油腻，酸菜爽爽口感又可解油腻，溏心蛋黄半流心，正。