Cherry Tokyo Cafe (愉景新城) (已結業)

星期一已经有啲holiday mood，就嚟到呢间和洋cafe慢活一下。呢到环境宽敞，而且宁静，好啱放工嘅时候过嚟放松下。1. 葡萄酒煮大蚬意粉带有淡淡嘅辣味，好开胃。而且，呢少少嘅辣味仲带起蚬嘅鲜甜，意粉亦都煮到啱啱好。2. 黑松露野菌忌廉意粉十分足料，并唔系坊间冇咩松露味嘅意粉。黑松露酱嘅分量啱啱好，香气逼人，配上各式野菌，再加上creamy嘅忌廉汁，系超级好食！3. 芝士肉酱薯条薯条系即叫即炸，够脆够热。而肉酱亦有蔬菜嘅鲜甜味，同薯条非常之夹。4. 木糠布甸好浓嘅牛奶味，忌廉都好幼滑，唔好话雪过龙搞到好硬，硬度适中。5. 宇治金时忌廉沙冰抹茶雪糕香滑，带有少少茶涩味，唔会过甜。沙冰都打得够碎，唔会饮到一半有冰粒。6. 宇治抹茶牛奶抹茶味香浓。值得一提系面头旧cream，好香好滑，唔系平时食开嘅支装忌廉。呢到嘅service十分之好，食完正餐食甜品嘅时候会帮你换碟同餐具，亦都会俾多张纸巾，出面餐厅少有。