和牛燒肉一郎 (寶漢大廈) (已結業)

今日好肚饿好想好想食肉，又好耐冇食烧肉，收工去左铜锣湾揾烧肉食，于是揾到呢间和牛烧肉一郎。佢喺铜锣湾地铁站C出口一出对正个大厦䢂口，上去就系。因为今日好想食肉，我地就拣咗第三级嘅套餐C黎烧。等左一阵，送上枱嘅嘢好丰富。首先，有一个寻宝盒放左上枱，里面系一块成块面咁大嘅西冷和牛，好大嘅一块牛扒；然后系一个海鲜船，有原只鱿鱼、虾、扇贝、好嫩口嘅滑鸡件；再黎系一个装住各种靓牛嘅锦盒。未开始烧已经俾个卖相深深吸引左，嘿嘿⋯⋯我地由锦盒开始烧，锦盒𥚃面啲牛好有心思卷到花瓣造形，上面舖上食用金泊，和牛里脊肉、和牛肋肉、和牛横隔膜，逐样逐样品尝，啲牛好肥美，完全食出唔同部位嘅分别。之后，我地又另外叫左寿喜烧同和牛寿司。寿喜烧块牛系薄嘅，我完全同意，因为咁先食到寿喜烧蛋汁嘅鲜甜，呢个绝对系好嘟正。牛寿司呢，卖相好靓，红卜卜，入口即溶。到个船，海鲜新鲜，烧完个鱿鱼剪到一圈圈咁，好好味。我哋留到最后先食个西冷，我地烧到啱啱好然后剪条黎食，呢个真系必食，好松软，又系入口即溶，牛嘅油香系布满成个口腔。配上饮品Bar各式特饮，白桃汁、利宾纳等等，佢哋连Sangria 都有，加速消化，继续大擦一轮，最后佢哋嘅雪糕