凡 (已結業)

餐厅环境装修得好似食omakase，但其实系主打日本懐石料理，由日本师傅主理。餐厅座位虽然比较少，但师傅十分和蔼可亲，用佢仅余既英文词汇同我地介绍菜色，睇得出师傅非常用心对待客人。前菜5款盛盒前菜味道非常特别，好多味道都冇咩点食过。个人认为最特别既系中间既巨峰提子，食落香甜无比，朋友一开始仲以为系荔枝。刺身5款盛盒刺身分别有三文鱼、牡丹虾、带子、鲷鱼同拖罗。全部都系我较钟意既刺身，整体味道十分之鲜甜美味。烧鱼本身以为师傅俾多左个烧北寄贝我地，睇番menu先知原来个烧鱼转左个烧北寄贝北寄贝。烧得十分爽口，而且汤汁清甜可口，朋友忍唔住饮哂d汤汁。煮物3款煮物分别系海胆芝士豆腐、慢煮鲍鱼同带子。其中海胆芝士豆腐味道十分惊喜，豆腐质感同平时食开既好唔同，好似食紧好腍好滑既芝士咁，芝士味道十分浓郁，意外地同鲜甜既海胆味道好match。肉类师傅将和牛放系朴叶到烧，令牛肉香味更加突出。烧和牛口感软腍，但略缣有点过咸。温菜温菜系白子茶碗蒸配鲭鱼寿司，白子口感顺滑，非常高质。鲭鱼寿司味道则酸酸地，十分适合解腻。面食菠菜面汤底清甜，可惜我地已经饱饱地，最后都系食唔哂。汤甜品