蓬萊咖哩屋

营业中

休息中

武汉肺炎疫情影响之下，近期多咗食外卖。呢间由细食到大嘅地道印度咖喱屋，系外卖平台都有提供服务。平时次次都系食鸡，今次睇咗OpenRice建议试吓食羊肉，真系冇介绍错！拣咗个爽滑浓汁羊肉，可自选辣度，拣咗小辣，觉得啱啱好。羊肉睇落好似好韧，但咬落又真系爽口，而且有肉汁，唔会痴牙又唔会𡁻唔烂，有羊肉味但唔算太骚，加埋酱汁又香又有少少辣，值得推荐！呢间舖头嘅几款鸡我都试过，个人觉得呢个羊出色啲。主食拣咗烤小麦饼，送到上嚟仲热辣辣，冇乜味但系配咖喱一流！印度菜都几适合外卖，外卖完全冇令味道变差，好适合武汉肺炎肆虐期间安全地喺屋企食。